بت و بايت
أول خطوة لطفلك في عالم البرمجة
Bit W Byte – لأن الذكاء مش بيتأجل!
مغامرون البرمجة - أول خطوة في عالم الذكاء
ابنك بيحب الموبايل وبدأ يسأل إيه ال AI؟ دلوقتي يقدر يتعلم إزاي يصنع لعبته بنفسه!
في Bit W Byte بنعلّم الأطفال البرمجة بطريقة ممتعة وسهلة، من أول Scratch لحد Python وUnity.
كل كود صغير بيبني عقل كبير!
لو ابنك بيحب الموبايل، خلي الموبايل هو كمان يحبه!
ابنك بيقضي ساعات على الموبايل؟
بيتفرّج، بيلعب، بيقلد… بس عمره سأل:
“اللعبة دي بتشتغل إزاي؟”
“ينفع أعمل لعبة شبهها؟”
“يعني إيه ذكاء اصطناعي؟”
دي اللحظة اللي لازم يحصل فيها التغيير.
في Bit W Byte، مش بنقول للطفل “سيب الموبايل”، بالعكس بنعلّمه إزاي يستخدمه صح ويستفيد من كل حاجة فيه.
اجهز معاه في أول مغامرة Coding دلوقتي.
احنا مين؟
بت وبايت هو مركز متخصص في تعليم البرمجة والذكاء الاصطناعي للأطفال من سن 6 لـ 16 سنة، بأسلوب تفاعلي، ممتع ومبسط جدًا.
بدأنا المشوار من 10 سنين بـ كيتوبيا إلكترونيكس، أول لعبة تعليمية بتخلي الأطفال يكتشفوا عالم الإلكترونيات، ويفهموا إزاي الأجهزة اللي حواليهم بتشتغل، عن طريق التجربة العملية والتحديات التفاعلية.
والنهاردة، بنكمل الرحلة مع بت وبايت، وبنحوّل فضول الأطفال عن التكنولوجيا والموبايل لمهارات حقيقية وتجارب مبتكرة.
لكن الأهم…
معانا مش بس بيتعلّم “يكتب كود”، هو بيتعلّم إزاي يفكر صح:
يحلل المشكلة
يكسّرها لخطوات
يبتكر حل
يجرب ويطور
يبني حاجة حقيقية بإيده
هدفنا مش بس إن الطفل يتعلم لغة برمجة، لكن كمان يكتسب مهارات التفكير المنطقي، حل المشكلات والابداع.
تعلّم أكثر من 30 أداة برمجة وتكنولوجيا في تجربة واحدة متكاملة
(UI و UX)
رحلة ابطالنا
الهدف: التعرّف على الكمبيوتر والبرمجة بطريقة مرحة وسهلة للأطفال اللي لسه بيبدأوا استخدام التكنولوجيا.
شخصية المستوى: “آدم المستكشف الفضولي” – بيحب الألوان، القصص، وتجربة كل حاجة بنفسه.
المودل ١: (ScratchJr + Code.org)
هنتعلم يعني إيه كمبيوتر، إزاي ينفذ الأوامر، وهنبرمج قصص وألعاب بسيطة بالسحب والإفلات.
المشاريع:
قصة رقمية متحركة + لعبة “امسك الفاكهة” أو “أطعم الحيوان”.
المدة: ٤–٦ شهور
في نهاية المستوى: الطفل هيقدر يستخدم الكمبيوتر بثقة، يفهم منطق البرمجة، ويخلق قصص وألعاب بنفسه.
الهدف: دخول عالم البرمجة بطريقة ممتعة وسهلة من خلال الكتل والألوان، وتنمية التفكير المنطقي والإبداع عند الأطفال.
شخصية المستوى: “مايا البنّاءة الفضولية” – بتحب القصص، الألعاب، والرسم، وبتسأل دايمًا “ليه؟”.
المودل ١: (Scratch Basics)
هنتعلم إزاي نبرمج شخصيات تتحرك وتحكي قصص وتلعب ألعاب بسيطة باستخدام الكتل الملونة.
المشاريع:
قصة متحركة + لعبة “امسك الفاكهة”.
المدة: ٣ شهور
المودل ٢: (App Inventor)
هنتعلم نعمل تطبيقات موبايل بسيطة فيها أزرار، أصوات، وصور بطريقة السحب والإفلات.
المشاريع:
تطبيق مسابقة ممتع + تطبيق حكاية أو آلة حاسبة.
المدة: ٣ شهور
في نهاية المستوى: الأطفال هيقدروا يصمموا قصص، ألعاب، وتطبيقات موبايل بسيطة ويفكروا بطريقة المبرمجين الصغيرين.
الهدف: الانتقال من البرمجة بالكتل إلى كتابة أكواد حقيقية، والتعرّف على الذكاء الاصطناعي بطريقة عملية وممتعة.
شخصية المستوى: “عمر المخترع الصغير” – فضولي، بيحب التكنولوجيا والتجارب ويفكر دايمًا “إزاي الحاجة دي بتشتغل؟”.
المودل ٣: (Pictoblox + AI Intro)
هنتعلم أساسيات الذكاء الاصطناعي زي التعرف على الوجه والأوامر الصوتية، ونبرمج روبوتات وأفكار ذكية.
المشاريع: روبوت ذكي + شات بوت تفاعلي
المدة: ٣ شهور
المودل ٤: (mBlock مع بايثون)
أول خطواتنا في لغة بايثون: الطباعة، المتغيرات، الحلقات، وجمل الشرط.
المشاريع: حيوان أليف افتراضي + لعبة “حجر-ورقة-مقص”
المدة: ٣ شهور
المودل ٥: (أساسيات بايثون)
نتعلم كتابة الأكواد بدون كتل – أنواع البيانات، الإدخال والإخراج، الحلقات والشروط.
المشاريع: لعبة تخمين الرقم + نظام بنكي صغير
المدة: ٣ شهور
في نهاية المستوى: الأطفال يقدروا يكتبوا أكواد حقيقية بلغة بايثون، ويفهموا أساسيات الذكاء الاصطناعي، ويصمموا مشاريع ذكية خاصة بيهم.
الهدف: الانتقال لمستوى أعمق في البرمجة والتصميم الرقمي، وتعلّم كيف تُبنى التطبيقات والمواقع فعليًا، من المنطق البرمجي لواجهة المستخدم.
شخصية المستوى: “ليلى المصممة المبرمجة” – خيالها واسع، بتحب تجمع بين الفن والمنطق، وبتستمتع بتحويل أفكارها لتصميمات وتطبيقات حقيقية.
المودل ٦: (بايثون المتوسط)
هنتعلم نكتب كود منظم باستخدام الدوال والقوائم والقواميس.
المشاريع: دفتر جهات اتصال + لعبة أسئلة وتحدي
المدة: ٣ شهور
المودل ٧: (Python GUI – Tkinter)
هنتعلم نعمل تطبيقات فيها أزرار وتفاعل حقيقي بين المستخدم والكود.
المشاريع: تطبيق To-Do List + آلة حاسبة بواجهة رسومية
المدة: ٣ شهور
المودل ٨: (أساسيات UI & UX)
مقدمة في تصميم واجهات المستخدم وتجربة المستخدم باستخدام أدوات زي Figma وCanva.
المشاريع: تصميم واجهة تطبيق تعليمي للأطفال + Prototype تفاعلي
المدة: ٣ شهور
المودل ٩: (HTML & CSS)
هنتعلم بناء أول موقع إلكتروني من الصفر باستخدام HTML وCSS.
المشاريع: صفحة شخصية + موقع بورتفوليو بسيط
المدة: ٣ شهور
في نهاية المستوى: الطلاب بيقدروا يصمموا تطبيقات حقيقية، واجهات مستخدم جذابة، ومواقع ويب كاملة باستخدام مهارات برمجة وتصميم متكاملة.
الهدف:
يختار الطفل تخصصه ويبدأ يبني مشاريع حقيقية جاهزة للعرض.
في المرحلة دي، بيطبّق كل اللي اتعلمه قبل كده ويحوّله لمشاريع احترافية فعلاً تعكس شغفه وطريقه اللي ناوي يكمل فيه.
شخصية المستوى:
“يوسف المخترع المبدع” – مستقل، مبتكر، وبيحب يصنع حاجات للناس.
بيفكر بطريقة ناضجة، وبيحب يتحدى نفسه، ويحوّل أفكاره لمنتجات حقيقية يقدر يعرضها للعالم.
مسارات التخصص
الطفل يقدر يختار المجال اللي يحبه يدرسة لمدة سنة:
مسار تطوير الويب
- تعلم تصميم صفحات متقدمة باستخدام HTML وCSS
- تعلم أساسيات JavaScript لعمل التفاعلات
- مشاريع: صفحة هبوط + موقع بورتفوليو + تطبيق ويب صغير
مسار تطوير الألعاب
- تعلم تصميم ألعاب 2D و3D باستخدام محركات Godot وUnity
- مشاريع: لعبة 2D + مغامرة 3D + لعبة 3D صغيرة جاهزة للعب
مسار تطوير تطبيقات الموبايل
- تعلم FlutterFlow لعمل تطبيقات بدون كود
- تعلم لغة Dart وبرمجة التطبيقات
- مشاريع: تطبيق أساسي + تطبيق اجتماعي صغير + تطبيق تجارة إلكترونية
مسار الأمن السيبراني
- التعرف على أساسيات الأمن الرقمي والاختراق الأخلاقي
- تعلم استخدام Linux والأوامر الأساسية لاكتشاف الثغرات
- فهم طرق الهجوم والدفاع في الإنترنت
- مشاريع: تجربة محاكاة اختراق آمن + بناء نظام حماية بسيط + تحديات “الهاكر الأخلاقي الصغير”
في نهاية المستوى: الأطفال هيبقوا قادرين يبنوا مشاريع حقيقية في التخصص اللي اختاروه،
ويكونوا مبدعين مستقلين جاهزين للجامعة، للعمل الحر، أو حتى لبدء مشروعهم الخاص.
المشروع الختامي
في آخر الرحلة، كل طفل بيصمّم لعبته أو قصته التفاعلية الخاصة:
💻 يكتب الكود
🎨 يصمم الشخصيات
🧠 يربط الأفكار
📱 يعرضها قدام باقي المجموعة
كل ده… بإيده 💪
شوفوا الأطفال وهما بيحولوا أفكارهم لألعاب وقصص حقيقية.
اشتراكك معانا مناسب لو ابنك…
- فضولي وبيحب يستكشف كل حاجة حواليه
- بيحب يفك ويركب ويتعلم إزاي الحاجات شغالة
- بيحب الألعاب والتحديات اللي تخليه يستخدم دماغه
- عنده خيال واسع وبيحب يحوّل أفكاره لواقع
الأسعار
باقة
"المستكشف الصغير"
بداية ممتعة في عالم البرمجة – تجربة مكثفة، مثالية للأطفال اللي بيجربوا لأول مرة.
-
شهر
باقة
"المبرمج الذكي"
تعلم أعمق ومهارات أكتر – بنبدأ نشتغل على مشاريع بسيطة وننمّي التفكير المنطقي.
-
3 شهور
باقة
"المبدع المحترف"
رحلة متكاملة لتعلّم البرمجة – مشاريع عملية، مسابقات، وتنمية المهارات التقنية والإبداعية.
-
6 شهور
"عرض الأقارب والصحاب"
✅ الدفع عبر Instapay أو المحفظة الإلكترونية لرقمنا (01009080699)
📩 بعد الدفع، ارفع الفاتورة داخل نموذج التسجيل وهنتواصل معاك فوراً
سجل بياناتك
الريفيوز
الأهالي هما اللي بيحكوا رحلة ابطالهم
دورك تبقى القصة الجاية
أسئلة بتتكرر
هل الكورس مناسب لأي عمر؟
كل مستوى معمول مخصوص حسب سن الطفل – من 6 لـ 18 سنة. فبنبدأ معاه بالمرحلة اللي تناسبه سواء مبتدئ أو عنده خلفية بسيطة.
ابني ما يعرفش حاجة عن البرمجة، ينفع يبدأ؟
طبعًا! بنبدأ من الصفر بخطوات بسيطة جدًا، وبأسلوب ممتع يخليه يحب المجال من أول محاضرة.
هل الكورس كله أونلاين؟
التعيلم بيكون أونلاين، والمحاضرات بتكون مسجلة علشان الطفل يقدر يرجعلها في أي وقت.
هل المدرسين بيتابعوا كل طفل لوحده؟
الجروب عندنا بيكون طفلين فقط ودا بيخلي المهندس يقدر يتابع كل طالب بشكل فردي وبنبعت ملاحظات خاصة بيه بعد كل محاضره.
إزاي بتكون طريقة المتابعة؟
فيه تقييم بسيط بعد كل محاضرة، والمدرس المسئول بيبعت Feedback للأهل عشان يعرفوا مستوى التقدم بالضبط.
هل فيه شهادات؟
أكيد، بعد نهاية كل مستوى الطفل بياخد شهادة من بت وبايت المعتمدة من STEM بتوضح المهارات اللي اكتسبها والمشروعات اللي نفذها.
هل الكورس بيحتاج تجهيزات خاصة؟
كل اللي محتاجه هو كمبيوتر أو لابتوب واتصال إنترنت كويس.
إزاي بيتم الدفع والتسجيل؟
الدفع بيكون عن طريق Instapay أو المحافظ الإلكترونية، وبعد الدفع بتترفع الفاتورة في الفورم الخاص بالتسجيل.
هل ممكن أتابع تقدم ابني أثناء الكورس؟
أكيد، بنبعت تقارير دورية للأهل فيها لقطات من المشاريع ومستوى الطفل في كل وحدة.
ابني بيتعلم إيه بعد أول شهر؟
بعد أول شهر هتبدأ تشوفي الفرق بنفسك! هيكون اتعلم أساسيات البرمجة أو الذكاء الاصطناعي، وبيقدر يعمل مشروع بسيط بنفسه زي لعبة أو تطبيق صغير.
ليه السيشن مدتها ساعة بس؟ وليه ٤ محاضرات في الشهر؟
علشان التركيز عند الأطفال بيبقى محدود، فبنفضل نديهم المعلومة في وقت قصير وممتع بدل ما يحسوا بالملل. ومع المتابعة الأسبوعية بيحققوا تقدم حقيقي.
اعتمادنا
كل برامج Bit W Byte معتمدة دوليًا من منظمة STEM ✅
بعد إنهاء كل مستوى، الطفل بياخد شهادة رسمية من بت وبايت معتمدة دوليًا تثبت مهاراته في البرمجة، التصميم، والذكاء الاصطناعي.
مش بس شهادة، دي أول خطوة في مشوار الإبداع
"مغامرون البرمجة"
لأن كل سطر كود… هو خطوة في مستقبل ابنك!
مستعد تحول ابنك لعبقري!
